Hos 9 | ZomZIV | STEP | Israel aw, lungnuam kei in; minam dangte bangin kipak kei in. Ahang in, na Pasian tungah na muanhuai kei hi; ancilna phual citengah kizuakna thaman na iplah hi.

1 Israel aw, lungnuam kei in;
minam dangte bangin kipak kei in. ^a
Ahang in, na Pasian tungah na muanhuai kei hi; ^b
ancilna phual citengah
kizuakna thaman na iplah hi. ^c
2 Ancilnate le lengtuisuknate in mihing vak lo ding hi;
tuate zuthak tawh kilawi ding hi.
3 TOPA’ leitangah amaute a omden kei ding uh hi; ^d
Egypt ah Ephraim kileh kik dinga,
Assyria ah an sianglo ^{▼▼9.3 Tua pen thukham tawh kituak a sianglo} a ne ding uh hi. ^f
4 Amaute in TOPA tungah biakina-in zu sung lo ding uh a,
amau biaknate un zong amah a lungkimsak kei ding hi. ^g
Tua bang biaknate pen amaute tungah a thum mite anlum tawh kibang ding hi; ^h
tuate a ne khempeuh a nin suak ding uh hi. ⁱ
Hih an amaute ading bek hi a,
TOPA biakinnpi sung a tung kei ding hi.
5 A kisehsa pawi nite le TOPA pawi nite-in
bang hih ding na hi uh hiam?
6 Amaute kisiatna pan a suahtak uh leh zong,
Egypt in amaute khawm dinga,
Memphis in amaute a vui ding hi. ^j
Amaute gou ahi ngunte thanglingte in tuam ding a,
a puanbukte uh lingkung in a tuum ding hi. ^k
7 Dan thuak ding hun tungta a,
gutut kik hun nai mahmah ta hi. ^l
Israel in hih thu thei ta hen.
Na mawhnate tam lua-in, ^m
na migalneihna lian lua ahi manin,
kamsangte a hai-in ngaihsunin ⁿ
huumuap mipa a lungsim kicing loin ki ngaihsun hi.
8 Tua kamsangpa, ka Pasian tawh
Ephraim ^{▼▼9.8 Ahikeh kamsangte Ephraim galvil ahi uh hi / ka Pasian mite} galvilpa ahi hi;
tua hi napi a lampi tengah thang kisiah a, ^p
ama Pasian inn sungah kigalneihna a om hi;
9 Gibeah hun bangin kisiatna sungah
amaute thukpi a tumsuk khin uh hi.
Pasian in amau gitlohnate ciamtehin, ^q
amau mawhnate hangin dan a tuaksak ding hi. ^r
10 “Israel ka muh ciangin
sehnel-gama kimu lengguite tawh kibang hi;
na pate ka muh ciangin
theikunga a gah masa muh tawh kibang hi.
Ahi hangin amaute Baal Peor ah a pai uh ciangin ^s
a zumhuai tua milim ah ki-ap uh a, ^t
amaute in a iplah uh na bangin a siahuai uh hi.
11 Ephraim minthanna vasa bangin lengmang dinga, - ^u
nausuak, naupaii, a gai kuamah a om kei hi.
12 A tate uh khoi ta le uh,
amaute khempeuh ka khansihsak ding hi. ^v
Amaute ka lehngatsan ciangin ^w
gimna thuak nak thuak na un cia! ^x
13 Tyre bangin Ephraim ka mu khin a,
mun nuam ah kisuan khin hi.
Ahi hangin Ephraim in a tate uh
a that dingte tungah piakhia ding uh hi,” a ci hi.
14 TOPA aw, amaute pia in -
amaute bang pia ding na hi hiam?
Amaute tatolh sul le
a zukang nawi pia in.
15 “Gilgal a, a gitlohnate khempeuh uh hangin
tua lai-ah amaute ka mudah hi.
Amaute mawhna a gamtatna uh hangin
keima inn panin ka nawhkhia ding hi.
Amaute ka it nawn kei ding hi;
a makaite khempeuh uh a lehdote ahi uh hi. ^y
16 Ephraim maiibuak a, ^z
a zung keugawin
amaute gah lo uh hi. ^aa
Amaute in ta a nei uh zongin
tua amau it luat suanlekhak te ka thatlum ding hi.”
17 Amaute in ama thu mang lo uh ahi manin, ^ab
ka Pasian in amaute nial hi;
minamte lakah mi vakvaite hi ding uh hi.